“Twilight” цуврал киноны од, жүжигчин Роберт Паттинсон, Кристен Стюарт нар Английн Лондон хотод амьдрахаар шийджээ. Лондонд амьдрах тухай санааг Роберт түрүүлж гаргасан бөгөөд Кристен түүний саналыг дуртайяа хүлээн авсан байна. Эх сурвалжийн мэдээлснээр хосууд Роберт Паттинсоны эцэг, эхийн гэрийн ойролцоо тансаг байр худалдан авахаар зэхсэн бөгөөд хамтран амьдрах газраараа Лондоны Саутвестэд орших нэгэн тансаг харшийг нүдлээд байгаа аж.  Роберт Паттинсон Лондон руу нүүж, гэр бүлийнхэнтэйгээ ойртох тухай Кристен Стюартыг Руперт Сандерстай нэр холбогдсоноос хосууд хэсэг хугацаанд салж, тусдаа байсан үеэс бодож эхэлсэн байна. Хэдийгээр хосууд эргэн нийлсэн ч Роберт Паттинсон Лондон руу нүүх бодлоо орхилгүй, харин ч Кристенийг өөртэй нь хамт тус хотод амьдрахыг ятгаж чаджээ. Кристен Стюарт, Роберт Паттинсон нар “Twilight” цувралд хамтран гол дүрийг бүтээснээр олны танил болсон бөгөөд хосууд тус киноноос олсон ашгаараа тэрбумтан оддын тоонд багтсан байна.