Хувьцаа эзэмшигчдийг хуурамч хувьцаа гарган хохироосон хэрэгт буруутгагдаж байгаа “Анод” болон Монголбанкны удирдлагуудыг шүүх хурал Баянзүрх дүүргийн шүүхэд үргэлжилж байна. Тэднийг шүүх анхан шатны шүүх хурал өмнө нь гэрч хүрэлцэн ирээгүй, ирц бүрдээгүй гэсэн үндэслэлээр хоёр ч удаа хойшилж байсан юм.

1200 хохирогчтой, 149 хавтаст хэрэг бүхий хэргийн шүүх хурлыг Б.Баатар шүүгч даргалж, хуралд улсын яллагчаар О.Мөнхбаатар, С.Хишигжаргал, Х.Нямтайван, шүүгдэгчээр Монголбанкны тэргүүн дэд ерөнхийлөгч асан Б.Энххуяг, Хяналт шалгалтын газрын захирал асан Ж.Ганбаатар, “Анод” банкны ТУЗ-ийн гишүүн Л.Уламбаяр, Н.Даваа, Э.Гүр-Аранз, Д.Энхтөр нарын 15 хүн оролцож байна.