Тулааны урлагийн мастер Брюс Лигийн кунфугийн их багш Ип Ман болон түүний дайснуудын хоорондох ширүүн тэмцлийг өгүүлэх “The Grandmaster” /Их мастер/ хэмээх кино өчигдөр Бээжин хотноо нээлтээ хийлээ. Хонгконгийн найруулагч Вон Карвайгийн бүтээл уг кино нь уран бүтээлчдийн зургаан жилийн хөдөлмөрөөр бүтжээ. Тус кинонд Өмнөд Солонгосын жүжигчин Сун Хье Кё гол дүр буюу тулааны их мастер Ип Маны эхнэрийн дүрийг бүтээснээрээ онцлогтой юм. Тэрбээр анх удаа хятад кинонд, хятад эмэгтэйн дүрийг бүтээсэн нь энэ ажээ.

“Их мастер” кинонд алдарт кунфу мастер Ип Манын дүрийг Хонгконгийн жүжигчин  Тони Люн Чиу Вай бүтээжээ.  Өмнөд Солонгосын жүжигчин Сун Хье Кё /Song Hye Kyo/ нь”Зүрхэнд шингэсэн намар”, “Бүгдийг нь”, “Миний байшин” зэрэг кинонд бүтээсэн дүрээрээ улсдаа төдийгүй Азийн кино урлагт танил болсон юм.