Өнөөдөр хуваарь ёсоор УИХ дахь намын бүлгүүд болон зарим Ажлын хэсгүүд хуралдах аж. Ардчилсан намын бүлгийн хурал 10.00 цагаас Төрийн ордны  “А” танхимд эхлэх бол МАН-ын бүлгийн хуралдаан 10.00 цагт “Б” танхимд,“МАХН-МҮАН”-ын Шударга ёс эвслийн бүлгийн хуралдаан 10.00 цагаас “В” танхимд тус тус болох ажээ.

Түүнчлэн Хадгаламжийн даатгалын тухай болон дагалдах бусад хуулийн төслүүдийг хэлэлцүүлэгт бэлтгэх үүрэг бүхий Эдийн засгийн байнгын хорооны Ажлын хэсгийн хуралдаан Төрийн ордны “А” танхимд 14.00 цагаас, Хөгжлийн бэрхшээлтэй иргэний нийгмийн хамгааллын тухай хуульд нэмэлт, өөрчлөлт оруулах тухай болон дагалдах бусад хуулийн төслүүдийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл, шинжлэх ухааны байнгын хорооны Ажлын хэсгийн хуралдаан 14.00 цагаас “Б” танхимд хуралдахаар товлогджээ.