Засгийн газрын өнөөдрийн хуралдаанаар Бүгд Найрамдах Энэтхэг улсын Гадаад хэргийн сайд Салман Куршидын
урилгаар 2013 оны 1 дүгээр сарын 15-17-ны өдрүүдэд Гадаад харилцааны
сайд Л.Болдын тус улсад хийх албан ёсны айлчлалын үеэр баримтлах
удирдамжийн төслийг хэлэлцээд Ерөнхий сайдаар батлуулахаар тогтжээ. Сайд
айлчлалынхаа үеэр БНЭУ-ын Ерөнхийлөгч Пранаб Мукержи, Ерөнхий сайд
Манмохан Сингх нарт бараалхаж, Гадаад хэргийн сайд Салман Куршидтай албан
ёсны яриа хэлэлцээ хийнэ гэж Засгийн газрын Хэвлэл мэдээлэл, олон
нийттэй харилцах албанаас мэдээллээ.