Нэрт жүжигчин Хелен Миррен өчигдөр Холливудын алдрын гудамжинд өөрийн нэртэй одтой болжээ. Тэрээр кино урлагт өнө удаан жил хүчин зүтгэхдээ “Оскар”, “Алтан бөмбөрцөг” Их Британийн кино болон телевизийн урлагийн дээд шагнал “BAFTA”, Холливудын “SAG” зэрэг наадмуудаас шилдгийн шагналыг  гардаж байсан чадварлаг жүжигчин юм.  Өдгөө 67 настай Хелен Миррен Холливудад алдраа мөнхлөн үлдээж буй алдрын одны ёслолын ажиллагаандаа цэнхэр өнгийн даашинз болон хүрмээр гангарч, өндөр өсгийт өмссөн байсан нь олны харааг булаажээ. Мөн түүнтэй энэхүү дурсгалт өдрийн баярыг хуваалцахаар түүний нөхөр, найруулагч Тейлор Хекфорд болон кино урлагт хамран зүгтгэгч алтан үеийн жүжигчин андууд нь хүрэлцэн ирсэн байна. Түүнчлэн нэрт жүжигчинд баяр хүргэхээр дуучин Ашер, дуучин, жүжигчин Женнифер Хадсон,  Эллен ДеЖенерес нар хүрэлцэн иржээ. Өдгөө ч кино, дэлгэцнээ дүрээ мөнхөлсөөр яваа Хеллен Миррен хамгийн сүүлд өнгөрсөн арваннэгдүгээр сард нээлтээ хийсэн “Hitchcock” кинонд нэрт жүжигчин Энтони Хопкинстой хамтран дүр бүтээсэн байна.