“TV5” телевизээс зохион байгуулдаг "Ододтой бүжиглэе 3" шоуны ялагч өнөөдөр тодрох нь ээ. МҮХАҮТ-д өнөөдөр 17.00 цагт  болох уг шалгаруулалтад "Ододтой бүжиглэе 3" шоуны оролцогчид болох Азийн модель агентлагийн тэргүүн, мисс Ч.Содтуяа, УДЭТ-ын жүжигчин Г.Отгонцэцэг, “Aneмone” хамтлагийн дуучин Жанна, дуучин Ноён Бондгор, “Маск” продакшны жүжигчин Ц.Ганзориг, дуучин Б.Болдбаатар, Соёлын тэргүүний ажилтан, уран нугараач Э.Лхагва-Очир нар өрсөлдөж байгаа билээ. “Ододтой бүжиглэе” шоуны анхны ялагч болсон жүжигчин, хамгийн эрэлттэй хөтлөгч Э.Ууганбаяр “Ододтой бүжиглэе 2, 3” шоуг хөтлөн цэнхэр дэлгэцээр үзэгчдэд хүргэж байгаа юм. “Ододтой бүжиглэе 2” шоуны ялагчаар спортын салбарынхныг төлөөлөн оролцсон буудлагын спортын тамирчин, ОУХМ Ц.Хонгорзул ялсан юм. Харин өнөөдөр дараагийн ялагч хэн болохыг хүлээх л үлдлээ.