Америкийн нэрт дуучин Патти Пейж нэгдүгээр сарын нэгэнд 85 насандаа таалал төгсчээ. Тэрээр 1952 онд сонсогчдын хүртээл болж байсан “Doggie In The Window”, “Tennessee Waltz” дуугаараа олны танил болж байсан аж. Тухайн үедээ хит болж байсан дээрх дуунууд Пейжийг алдрын оргилд хөтөлсөн бөгөөд түүний замналын оргил үеийг 1950-1959 он хэмээн дүгнэдэг байна. Тэрээр 1998 онд Грэммийн наадмаас шагнал хүртжээ.

Пейжийн “Tennessee Waltz” дуугаараа нэрлэсэн цомог нь тухайн цаг үеийнхээ шилдэг борлуулалттай цомгоор шалгарч байсан тухай “Billboard” мэдээлэв.