Автомашин сонирхогчдын тэсэн ядан хүлээдэг алдарт “Дакар ралли” уралдаан нөгөөдөр эхлэх гэж байна. Энэ жилийн уралдаанд оролцогчид Перу, Аргентин, Чилийн нутгийг дамнан уралдах юм. Энэ удаагийн уралдаанд манай улсаас олон улсын хэмжээний мастер Д.Болдбаатар, Н.Лхамаа нар оролцож буйгаараа онцлогтой. Манай хоёр тамирчин одоогоор Перуд байгаа бөгөөд биеийн байдал сайн байгаа гэсэн мэдээлэл ирүүллээ. Д.Болдбаатарын хувьд 175 дугаартай уралдах бөгөөд KTM-450 rally, харин Н.Лхамаа 176 дугаартайгаар Ямаха маркийн мотоциклоор “Дакар ралли”-д оролцоно.