Он
солигдох мөчид нийслэлийн хэмжээнд 64 эх амаржсан гэх мэдээлэл авав.
Тэгээд аймгуудаас төрөлттэй холбоотой мэдээллүүдийг авахаар  утас
цохитол  анхны аймгаас л хар муу мэдээ сонсож, айдаст автаж орхив.

Нярайлсан,
амаржсан гэх үгийг сонссоны дараа бид ямагт “Монголын үрс маш олон
болтугай”  хэмээн ерөөн, залбирдаг. Гэтэл энэ үгээ ч хэлэхээ  умартаж
орхисон байв. Яагаад тэр билээ. Айдаст автаад тэр.

“Хорвоод мэндлээд
20-хон минут ч болоогүй нярайг хариуцлагагүй, “харгис”  сувилагч халуун
усаар түлж ор­хисон” гэж бодохоор голоос юм гогдоод даанч хэцүү.  Үрийн
зулай үнэрлэн хорвоод эх хүн болсон нь битгий хэл  “төмөр дотортой”
нэгэн ч үүнийг сонсоод  эмзэглэх биз.

Хаалга үүд нь онгорхой,  албан
үүргээ гүйцэтгэж байгаа төрийн үйл­чилгээний  албан хаагч байтугай
амь­тай голтой хүн байгаа  үгүй нь ч мэдэгдэхгүй байсан  төрөх
тас­гийнхан нярайлсан эхийн ар гэрийнхнийг ирэхэд  сүр­хий  ажил хэрэгч
дүр эсгэж,  эмнэлгийн соёл, ёс зүй энэ тэр гэж дүрэмдсэн байдаг.

Танай салбарын  ажилч­дад ичих булчирхай, энэрэн­гүй сэтгэл гэж  байна уу, сайд аа.

Халуун
усанд цээж­нээсээ доош түлэгдсэн хүүгийн тухай мэдээлэлтэй зэрэгцэн 
“Эрүүл мэндийн сайд Н.Удвал Клиникийн нэгдүгээр амаржих газарт, Эрүүл
мэндийн дэд сайд Ж.Амарсанаа Нийслэлийн гуравдугаар төрөх эмнэлэгт,
ЭМЯ-ны Төрийн нарийн бичгийн дарга Ж.Хатанбаатар  хоёрдугаар амаржих
газарт тус тус өөрсдийн биеэр очиж, 2013 оны нэгдүгээр сарын 1-ний өдөр
мэндэлсэн үрсэд баяр хүргэлээ” гэх мэдээлэл сайтуудаар цацагдаж байв.
Үүнийг сонсоод  та нөхдийн өмнөөс бүр ч их ичлээ, бас дургүй хүрлээ.

“Хүн
ардынхаа эрүүл энхийн манаанд зогсоно” хэмээн  тангараг өргөсөн эмч,
эмнэлгийн ажилчид тань нэг л биш ээ. Улсдаа ганцхан гэгддэг Эх хүүхдийн 
эрүүл мэндийн үндэсний төвийн ажилт­нууд ч алдаа  гаргаж,  нэр нэгтийн 
эм тариаг сольж, өвчтөнөө хохироож   байсан удаатай.

Дархан-Уул
аймгаас ирсэн нэгэн бүсгүй эмнэлэгт  ир­сэн хэрнээ элдэв бичиг цаасанд
ээрэгдсээр  өмдөндөө хүүхдээ төрүүл­сэн, Баянзүрх дүүргийн  төрөхийн эмч
нарын буруугаас  30 хүрээгүй хосууд хоёр дахь хүүхдээ алдаж, дахин
хүүхэд төрүү­лэх боломжгүй болсон гэх зэрэг  бараан барим­туудыг дурдаад
байвал  дуусахгүй цааш хөвөрнө.

“Эх хүүхдийг ийн хохироож түлсэн эл
хэрэг гараад байхад Эрүүл  мэндийн  яамны  удирд­лагууд  шуурхай
зөв­лөгөөн  гээчийг хийж, ойрын үед хийх ажлынхаа тухай зөвлөлдөж, эрүүл
мэндийн байгууллагаар үйлчлүүлж буй иргэдээс ирсэн саналыг үндэс­лэн
эмнэлгүүдийн лавлах үйлчилгээ, ая тухтай байдлыг хангах бодлого,
чиг­лэлээр эмнэлгүүдийг хангахыг үүрэгдсэн.  Ийн зөвлөл­дөхдөө хорвоод
мэнд­лэхдээ “тамлуулсан” эх хүү хоёрын тухай ганц үг ган хийсэнгүй”
хэмээн ард олон эмзэглэж байна лээ.