АНУ-ын Орегон мужид жуулчид тээвэрлэж явсан автобус осолдсоноос болж есөн жуулчин амиа алджээ. Автобус Орегон мужийн зүүн хэсэг дэх хөлдсөн мөстэй зурвас газар явж байх үеэр гэнэт мөс цөмөрч зорчигчдын зарим нь автобусны цонхыг хагалж үсрэн гарч, амь аврагдаж чадсан байна. Харин үлдсэн есөн зорчигч автобустай живж амиа алджээ. Аврах албаныхны мэдээлж байгаагаар жуулчдын автобус 60 метрийн гүнд живсэн байжээ. Осолдсон автобусанд зорчиж явсан 48 жуулчны ихэнхи нь гадны жуулчид, ялангуяа Өмнөд Солонгосын оюутнууд байсан гэнэ. Мөн Британи, Америк, Тайванийн жуулчид байсан аж. Одоогоор гэмтсэн хүмүүсийг Орегоны эмнэлэгт хүргээд байгаа юм байна.

Жуулчид тээвэрлэж явсан автобус Канадын компанийн эзэмшилд байдаг бөгөөд жуудчип АНУ-аар ес хоногийн турш аялах төлөвлөгөөтэй байсан гэнэ.