Испанийн “Атлетико Мадрид” клубийн ерөнхий менежер Мигуэл Анхел Гил Марин багийнхаа шилдэг довтлогч Радамел Фалкаогийн ирээдүй хэрхэхийг ирэх зун шийднэ хэмээн мэдэгджээ.

Өвлийн солилцоо наймааны цонх нээгдэж буй энэ үед колумб довтлогчийн араас Европын топ клубууд хөөцөлдсөөр байгаа юм. Ямартай ч “Челси” клуб Фалкаог сонирхож буй багуудын жагсаалтад дээгүүр байрт яваа.

Марин Испанийн “AS” агентлагт өгсөн ярилцлагадаа “Тэр бол үнэхээр гайхалтай тоглогч, дэлхийн шилдгүүдийн нэг. Түүнийг багтаа авсандаа бид үнэхээр и х баярладаг. Түүнийг энэ багт ирэхээс өмнө бид сайтар ярилцсан.

Түүний ирээдүй хэрхэх вэ гэж үү? Энэ улирлын төгсгөлд хэрхэх эсэхийг шийднэ. Тоглогч болон клубт хоёуланд нь тохирох шийдвэрийг гаргах болно. Бид түүнд шийдвэр гаргахад нь тусална. Миний бодлоор, тэр энэ лигт, энэ хотод, энэ багт их сайн тохирч тоглож байгаа” хэмээжээ.