Японы электрон барааны могул гэгддэг “Sony” компани видео тоглоомын зах зээлд хамгийн их худалдаалагддаг “PlayStation 2”-ийн үйлдвэрлэлтээ зогсоох болсноо албан ёсоор мэдэгджээ. “PlayStation 2” нь анх 2000 оны гуравдугаар сараас эхлэн Японд худалдаанд гарсан.

Үүнээс зургаан жилийн дараа буюу 2006 онд “PlayStation 3”-ийг худалдаанд гаргаж уг видео тоглуулагч нь “Sony” компанид ихээхэн хэмжээний ашиг авчирсан юм. Харин зарим эх сурвалжуудын мэдээлж байгаагаар “PlayStation 4”-ийг тус компани энэ оны дундуур худалдаанд гаргана хэмээн мэдээлж байгаа ч албан ёсны мэдэгдлийг  “Sony”-оос хийгээгүй байна.