3,415.19
он гарлаа. Хүн бүр жил бүрийн энэ үед хуучин оны алдаа оноогоо дүгнэж,
Шинэ оны зорилтуудаа тодорхойлж, төлөвлөгөөгөө боловсруулдаг. Тэгэхээр
та бүхэнд хэрэг болж магад гээд цаг төлөвлөлтийн талаар тэмдэглэл
бичихээр шийдлээ.
Бидэнд олон зүйлийг хийх цаг байдаг ч
Харамсалтай нь бүх зүйлийг амжуулах цаг байдаггүй.
Тиймээс бидэнд олон ажилуудаас
заримыг нь сонгон авч хийх шаардлага цаг тутам тулгарлаг. Хийх
шаардлагатай бүх ажилуудаа яаралтай, яаралтай бус болон чухал, чухал бус
гэж ангилж болно. Ингэж ангилснаар та ажилуудаа эмх цэгцтэй ангилах,
эрэмбэлэх боломжтой болно. Жилийн төлөвлөгөөгөө ч гэсэн ийн ангилан
хийсэнээр жилийн дараа та өөрийн амьдралд чухал болон энэ жил яаралтай
хийх ажилуудаа хийж амжуулсан байх болно.
1. Эхлээд энэ жил хийх бүх ажилуудаа жагсаан бич
2. Бүх ажилуудаа Чухал болон чухал бус гэж ангилан ард нь тэмдэглэгээ хий.
3. Одоо мөн Яаралтай болон Яаралтай бус гэж ангилан тэмдэглэгээ хий.
4. 1р категори: Чухал Яаралтай ажилууд. Одоо нэг цаас авч Яаралтай болон, Чухал гэсэн ангилалд 2ууланд нь багтсан ажлуудыг бичиж ав.
Энд мэдээж тайлан тооцоогоо өгөх, ажлын
цаг дөхсөн үед ажилдаа бэлтгэх, маргааш хэлэлцүүлэх илтгэлээ бэлтгэх,
хугацаа нь дөхсөн бие даалтаа хийх, яаралтай цахим шууданд хариу бичих
гэх мэтчилэн ажилууд орно. Энэ бол таны ямар ч тохиолдолд бусад ажилаас
түрүүнд хийх чухал ажилууд байх болно.
5. 2р категори: Чухал Яаралтай бус ажилууд. Өөр нэг цаас авч Чухал ангилалд багтсан боловч яаралтай категорид багтаагүй ажлуудаа түүж бичнэ.
Энэ бол таны 2 дугаарт хийх ажилууд.
Чухал болон яаралтай ажилуудаа хийж дууссан бол энэ ангилалын ажилуудаа
хийж эхэж болно гэсэн үг. Энэ ангилалд аялалд явах, ном унших, цаг нь
тулаагүй ч чухал хурал, уулзалтанд бэлтгэх, бие даалтаа хийх,
шалгалтандаа бэлтгэх зэрэг орно. Энэ ангилалын ажилуудаа хугацаанд нь,
эртнээс хийж байх нь чухал. Яагаад гэвэл бид заримдаа эдгээр ажилуудаа
залхуу, бүхнийг хойшлуулдаг зангаасаа болж хойшлуулсаар 1р категорируу
оруулчихаад яаралтай, чухал ажилууддаа дарагдан яарч сандран өөрсдийгөө
зовоож суух нь бий.
6. 3р категори: Чухал бус Яаралтай ажилууд. Бүх чухал ажилууд дээрхи 2 ангилалд багтсан учир үлдсэн чухал бус ажилуудаас яаралтайг түүж бичээрэй.
Энэ бол таны 3рт хийж ажилууд. Бид эмх
цэгцгүй цаг төлөвлөлтөөсөө болэ ихэвчилэн чухал болон яаралтай эсвэл
чухал болон яаралтай бус ажилуудаа хийхийн оронд чухал бус боловч
яаралтай эдгээр ажлуудыг хийсээр жил, улирал, саржингаа завгүй, махруу
ажилласан ч үүний эцэст эргээд харахад юу ч хийгээгүй мэт байдалд орон
бодол болон суух нь чухал ажилуудаасаа илүүтэйгээр яаралтай ажилдаа
анхаарлаа хандуулсантай холбоотой байдаг. Та чухал бусыг жижиг сажиг
ажилд биш чухал ажилууддаа илүү их ач холбогдол өгч ажиллаарай!
7. 4р категори: Чухал бус Яаралтай бус ажилууд.
Хамгийн сүүлд яаралтай бус болон чухал бус ажилууд үлднэ. Эдгээрийг мөн
нэг цаасан дээр бичээд дээрхи 3н ангилалын ажилуудаа хийж дууссаны
дараа хийж амжуулаарай!
Хүн бүрийн эрхэм нандин, чухал зүйлс өөр
өөр тул дээрхи 4н ангилалд алинд нь юу оруулахыг та өөрөө л шийднэ шүү
дээ. Энэ аргаар өдөр, сар, жилийн магадгүй амьдралын томоохон
зорилтуудаа ч төлөвлөж болно, Мөн санхүүгийн төлөвлөгөөгөө ч шийдэх
болох юм шиг санагдсан шүү.
За ингээд танд амжилт хүсэе!
2013 ондоо Эрч хүч, урам зориг дүүрэн байгаарай!
Төлөвлөсөн томоохон зорилго, зорилтууддаа хүрсэн, үр өгөөжтэй, бүтээмж дүүрэн сайхан жил болох болтугай!
