УИХ дахь намын бүлгүүд өнөөдөр 10.00 цагт тус тус хуралдана. Тодруулбал, Ардчилсан намын бүлэг А танхимд, МАН-ын бүлэг Б танхим, МАХН, МҮАН-ын “Шударга ёс” эвсэл В танхимд тус тус хуралдахаар товлосон ч МАН болон “Шударга ёс” эвслийн бүлгүүд хуралдахгүй ч байж магадгүй гэж албаныхан хэлж байна. Харин Ардчилсан намын бүлэг хуралдаж, цаг үеийн асуудал хэлэлцэхээр төлөвлөөд байгаа юм байна.

Мөн өнөөдөр 14.00 цагт Нийгмийн бодлого боловсрол, соёл, шинжлэх ухааны байнгын хороо хуралдан юм байна. Тус байнгын хорооны хуралдаанаар Сэтгэцийн эрүүл мэндийн тухай /Шинэчилсэн найруулга/ болон Сэтгэцийн эрүүл мэндийн тухай хуулийг хүчингүй болсонд тооцох тухай хуулийн төслүүдийн эцсийн хэлэлцүүлгийг хийж, УИХ-ын чуулганы хуралдаанд шилжүүлэх аж.