Шинэ жилийн баярын өдрүүдэд Нийслэлийн онцгой байдлын газрынхан бэлэн байдалд ажиллаж байна. Өчигдөр НОБГ-ын 105 шуурхай дугаарт 10 дуудлага иржээ. Үүнээс, гал түймрийн дөрөв, гал түймрийн зөрчлийн хоёр, зам тээврийн хоёр дуудлага ирсэн байна.

Налайх дүүрэг болон Хан-Уул дүүргийн 16-р хороо, Морингийн даваанд автомашин цасанд боогдсон гэсэн дуудлагын дагуу харьяа дүүргийн Онцгой байдлын хэлтэс, “Улаанбаатар зам тээврийн арчлалт” компанийн ажилчид дуудлагын дагуу очиж, цасанд боогдсон иргэдийг аварчээ.
Одоогоор нийслэл хот тайван байна.