Америкийн найруулагч Петер Жексоны уран зөгнөлт туульсын кино “Хоббит” АНУ-нэг долоо хоногийн дотор 33 сая ам.долларын ашиг олж, box office-ыг гурван долоо хоногийн турш тэргүүлж байна. Английн зохиолч, яруу найрагч Жонн Роналд Толкиены “Хоббит” уран зөгнөлт, сонгодог зохиолоос сэдэвлэн , Ворнер Брос кино компанид бүтээсэн дэлгэцийн шинэ бүтээл нээлтээ хийсэн цагаас хойш дэлхийн даяар нийт 10.8 тэрбум ам.долларын ашиг олжээ. “Хоббит” зөвхөн АНУ-д л гэхэд 222.7 сая ам.долларын ашиг олсон байна. “Хоббит- Ер бусын аялал” хэмээх кинонд “Бөгжний эзэн” киноноос та бидний сайн мэдэх болсон цагаан Гэндольф, хорон санаат Голлум болон сахлаг өвст ногоон хөндийн хоббитуудын адал явдал бөгжний түүхээр үргэлжлэх болно.

Зул сар, шинэ жилийн баярын том бэлэг болж буй кинонуудын дунд найруулагч Квентин Тарантиногийн “Django Unchained” бичигджээ. Өшөө авагчдын шинэ комеди Зул сарын баярын өдөр нээлтээ хийсэн цагаас хойш долоо хоногийн дотор 30.7 сая ам.долларын ашиг олжээ.

Харин box office-ын шилдэг 10 киноны жагсаалтын гуравдугаарт Виктор Гюгогийн зохиолоос сэдэвлэн бүтээсэн Les Miserables кино 28 сая ам.долларын ашиг олоод байна.

“The Universal Pictures”-ийн дэлгэцийн шинэ бүтээлд жүжигчин Хью Жекман, Энн Хэйтуэй, Рассел Кроу нар тоглосон юм.

Box office-ын шилдэг 10 киноны жагсаалт

1. Хоббит: Ер бусын аялал: долоо хоногт 32.9 сая ам.долларын ашиг олсон.
2. Жанго чөлөөлөгдсөн нь: долоо хоногт 30.7 сая ам.долларын ашиг олсон.
3. Les Miserables: 28 сая ам.долларын ашиг олсон.
4. Эцэг эхийн зааснаар: долоо хоногт 14.8 сая ам.долларын ашиг олсон
5. Жек Ричер: долоо хоногт 14 сая ам.долларын ашиг олсон
6. Дөч:  долоо хоногт 13.2 сая ам.долларын ашиг олсон
7. Линкольн: долоо хоногт 7.5 сая ам.долларын ашиг олсон.
8. Буруу эргэлт: долоо хоногт 6.7 сая ам.долларын ашиг олсон
9. Мангасуудын компани: 3-D долоо хоногт 6.4 ам.долларын ашиг олсон.
10. Сахиуснууд эргэн ирсэн нь: долоо хоногт 4.9 сая ам.долларын ашиг олсон