Монголын хөрөнгийн бирж өчигдөр 4,375 тоот арилжаагаар 21 компанийн 29,931,577.00 төгрөгийн үнийн дүн бүхий 41,375 ширхэг хувьцааг арилжжээ. Ингэхдээ Засгийн газрын болон компанийн бонд арилжсангүй. Дээрх 21 компаниас “Хөх ган” ХК  хамгийн их буюу 35,000 ширхэг хувьцаа арилжсан байна.

Өчигдрийн арилжаагаар нийт 50 хэлцэл хийж, ТОП-20 индекс 17714.51 нэгж байсан нь өмнөх арилжаанаас 253.45 нэгжээр нэмэгджээ.

Сануулахад, Монголын хөрөнгийн бирж үйл ажиллагаагаа шинэтгэсэн нь эдийн засагчдын шүүмжлэлийг ихээхэн дагуулсан ч албаныхан арилжаа эргээд сэргэнэ гэсэн тайлбарыг “Миллениум Ай Ти” системийг нэвтрүүлж байх үеэр мэдэгдэж байсан юм. Тэгвэл энэ нь биелж байгаа буюу ийнхүү 30 орчим  сая төгрөгийн арилжаа хийдэг болсоноос харж болох тухай албаныхан нь тайлбарлаж байна.