“Монгол залуу хүн” төрийн бус байгууллагаас 1200 хөгжлийн бэрхшээлтэй хүүхдүүдийг баярлуулж байна. Хуучин оноо үдэж, шинэ оноо угтах энэхүү босгон дээр тус төрийн бус байгууллагынхан нийтээрээ нийлээд  шинэ жил тэмдэглэнэ гээд мөнгө төгрөг зарахын оронд сэтгэлийн дэм хэрэгтэй байгаа хүүхдүүдийг ийнхүү баярлуулахыг хүсчээ. Ингэхдээ залуус дүүргүүдийн хороодтой холбоо тогтоосны үндсэн дээр өнөөдөр хороодоор орж, хүүхдүүдэд бэлэг тараасан байна. Түүнчлэн өнөөдөр Гандантэгчэнлин хийдийн ойролцоо, зах, худалдааны төвүүдээр явж, хүнд хэцүү хөдөлмөр хийдэг хүүхдүүдэд ч сэтгэлийн дэм өгч, бэлэг тарааж, баярлуулах аж.

Мөн тус төрийн байгууллагаас арванхоёрдугаар сарын 31-нд “Номтой нөхөрлөе” клубын залуустай хамтарч эмнэлэгт хэвтэн эмчлүүлж буй багачуудад үлгэрийн ном тараахаар төлөвлөсөн байна.