Нийслэлчүүдийн шинэ жилийн баярын цэнгүүн энэ жил уламжлал ёсоор Төв талбайд болохтой холбогдуулан Нийслэлийн цагдаагийн газраас Сүхбаатарын талбай орчмын замын хөдөлгөөнд зохицуулалт хийхээр болжээ. Ингэхдээ арванхоёрдугаар сарын 31-ний 22.00 цагаас 2013 оны нэгдүгээр сарын 1-ний 01.00 цагийн хооронд Сүхбаатарын талбайн баруун, зүүн хэсгийн  авто замын хөдөлгөөнийг хааж, машин нэвтрүүлэхгүй юм байна. Харин нийтийн тээврийн хэрэгсэл буюу автобуснууд энэ өдөр 20 чиглэлд 35 автобус 23.00-00.30 цагуудад Сүхбаатарын талбайн урд талын автобусны  “А”, “Б” зогсоолоос иргэдэд үйлчлэхээр болсон ажээ.