Монгол Улсын Ерөнхийлөгчийн зарлигаар төрийн дээд одон медалиар шагнуулсан спортын салбарын эрхмүүдийг өнөөдөр Соёл, спорт, аялал жуулчлалын дэд сайд М.Түмэнжаргал болон Биеийн тамир, спортын бодлогын хэрэгжилтийг зохицуулах газрын дарга Д.Жаргалсайхан, Төрийн захиргаа удирдлагын газрын дарга Н.Энхтүвшин нар хүлээн авч, одон медалийг нь гардууллаа. Тодруулбал, МЖБХ-ны дэд ерөнхийлөгч, ЦЕГ-ын харьяа “Хүч” спорт хорооны дарга Б.Пагва Хөдөлмөрийн гавьяаны улаан тугийн одонгоор, Монголын пара таэквондогийн  холбооны ерөнхийлөгч Д.Мөнхбаатар, тус холбооны ерөнхий нарийн бичгийн дарга Л.Отгонбаатар, Таэквондогийн холбооны ерөнхий нарийн бичгийн дарга С.Ган-Эрдэнэ, жүдо бөхийн ОУХМ, пара жүдо бөхийн дасгалжуулагч Ч.Базарсүрэн нар “Алтангадас” одонгоор, таэквондогийн дасгалжуулагч, ОУХМ М.Энхбаатар Хөдөлмөрийн хүндэт медаль хүртлээ. Түүнчлэн шинэ оны босгон дээр Спортын бэлтгэлийн төвийн ажилтан Б.Эрдэнэ-Очир, Д.Энхтөр нар Хөдөлмөрийн хүндэт медаль, О.Оюунчимэг “Алтангадас” одонгоор энгэр мялаалаа.