Хятадын Хар мөрөн мужийн нийслэл Харбин хотод өмнөд Солонгосын дуучин PSY-г алдарт "Gangnam Style" хит дууныхаа морины бүжгийг хийж буйгаар  дууриалган аварга том цасан баримал урлажээ. Харбины Олон улсын мөс, цасан баримлын наадамд зориулан бүтээсэн дуучин PSY-н энэхүү аварга том цасан баримал  гудамжинд цугласан олны анхаарлыг ихээр татаж байгаа бөгөөд зохион байгуулагчдын зүгээс дуучин PSY-тай төстэй хүнийг "Gangnam Style" дуун дээр бүжиглүүлэн хүмүүсийг зугаацуулж байгаа гэнэ. 1963 оноос хойш уламжлал болон зохиогдож ирсэн Олон улсын мөс, цасан баримлын наадам албан ёсоор ирэх сарын 5-нд нээлтээ хийхээр товлосон юм байна. Тус наадмын хүрээнд цас, мөсөөр бүтээл туурвигчид олон төрлийн сонирхолтой цас, мөсөн баримлуудыг урлаж, хүмүүсийн нүдийг хужирладаг аж.