Нигерийн томоохон хотуудын тоонд орох  Лагосын нэгэн худалдааны төвд өчигдөр гал гарчээ. Албаныхны мэдээлж байгаагаар Зул сарын баярын үеэр худалдахаар бэлтгэсэн их хэмжээний салютууд дэлбэрснээс үүдэн дээрх түймэр гарсан байна. Галын улмаас нэг хүн амиа алдаж, 30 хүн түлэгджээ.

Худалдааны төв нь хотын хамгийн том төвүүдийн нэг бөгөөд гал ойролцоох байшин барилгуудад тархаж, салют дэлбэрснээс болж ихээхэн хэмжээний дуу чимээ гарган, оршин суугчдыг сандаргасан байна. Гал гарсан худалдааны төвийн ойролцоох оршин суугчдын мэдээлснээр айлуудын цонхоор  их хэмжээний утаа орж ирэн, ойр орчим бүхэлдээ утаанд автсан байна. Аврах албаны ажилтнуудын мэдээлснээр өнгөрсөн зургадугаар сард мөн Лагос хотын нэгэн худалдааны төвд гал гарч байжээ.