УИХ-ын Хууль зүйн байнгын хорооны хуралдаанаар өнөөдөр Улсын ерөнхий прокурорын орлогчийг томилох тухай зөвшилцөх асуудлыг хэлэлцээд гишүүдийн олонхийн саналаар дэмжин, УИХ-ын чуулганы нэгдсэн хуралдаанд оруулахаар боллоо. Монгол Улсын Ерөнхийлөгчөөс Улсын ерөнхий прокурорын орлогчид Д.Эрдэнэбат /МУИС-ийн багш/-ыг нэр дэвшүүлсэн байна. 

Нэр дэвшигчтэй холбогдуулан УИХ-ын гишүүн Ц.Нямдорж санал хэлэх үеэрээ “Хууль манах ажилдаа хичээнгүйлж, шаардлага гарахад өөр дээрээ гал хурааж ажиллах ёстой” гэж захиж байлаа. Хууль зүйн байнгын хорооны хуралдаан үргэлжилж байна.