Европын зүүн бүсийн орнуудад арванхоёрдугаар сар гарсаар хэт хүйтэрсний улмаас 220 хүн осгож, нас баржээ. ОХУ-ын Сибирьт агаарын температур -50 хэм хүртэл хүйтэрч, 88 хүн амиа алдсан байна. Мөн Украйнд их хэмжээний цас, тэсгим хүйтнээс болж 83 хүн нас барж, 100 гаруй тосгон гэрэл цахилгаангүй болжээ. Мөн хүйтнээс шалтгаалах өвчний улмаас 500 гаруй хүн эмнэлэгт хэвтэн эмчлүүлж байна. Харин Польшид 49 хүн осгож, нас баржээ.

Зүүн Европын орнуудад хэт хүйтнээс болж хохирсон хүмүүсийн ихэнхи нь орон гэргүй эсвэл орон гэрээ халаахын тулд буруу байдлаар гал түлснээс угаартаж амь насаа алдсан байна.