Казахстаны өмнөд хилийн Шымкент хотын ойролцоо өчигдөр тус улсын нийслэл Астана хот руу цэргүүдийг зөөвөрлөж явсан “Антонов АН-72” цэргийн онгоц унаж, осолдсон байна. Ослын улмаас АН-72 онгоц бүрэн сүйдэж, онгоцонд зорчиж явсан 20 цэргийн үүрэгтэн, онгоцны нислэгийн багийн долоон хүн амь үрэгджээ. Тэдний дунд Хил хамгаалах газрын дарга, хурандаа Турганбек Стамбеков байсан гэнэ.

Казахстаны аюулгүйн албаныхны мэдээлснээр АН-72 онгоц нисэх буудлаас хөөрөөд 20 км хэртэй зайд осолджээ. Гэрчүүдийн яриагаар онгоц ойролцоогоор 800 метрийн өндрөөс унасан бөгөөд ослын дараа хүчтэй дэлбэрэлтийн чимээ гарч, их хэмжээний гал дүрэлзэн ассан гэнэ.

Казахстаны Шымкент хот нь Узбекистаны нийслэл Ташкент хотоос хойд зүгт 120 км зайтай оршдог аж.