Владимир Путин Энэтхэгийн ерөнхий сайд Манмохан Сингх. Фото Reuters    

ОХУ-ын ерөнхийлөгч Владимир Путины оролцох Энэтхэг-Оросын хэлэлцээрийг Хайдарабадын ордонд зохион байгуулах байсан ч ерөнхий сайд Манмохан Сингхийн өргөөнд шилжүүлэн явуулах болжээ. Нью-Дели хотод олон нийтийн үймээнтэй байгаагаас ийм шийдвэр гаргасан гэж Путины хэвлэлийн төлөөлөгч Дмитрий Песков мэдэгдэв.

"Энд гудамжнаас хол тайван байна” гэж тэрээр онцолсон байна. Путины бусад уулзалт мөн Оросын төлөөлөгчдийн оролцох арга хэмжээнүүдэд өөрчлөлт орсон эсэх талаар өөр мэдээлэл гараагүй байна. Путин арванхоёрдугаар сарын 23-наас Энэтхэгт айлчилж байгаа юм.

Арванхоёрдугаар сарын 16-нд 23 настай оюутан эмэгтэй хүчирхийлэлд өртсөн тухай мэдээ тарсны дараа Нью-Делид үймээн дэгдэж эхэлсэн. Үймээн дэгдээгчид эмэгтэйчүүдийн аюулгүй байдлыг хангах, хүчингийн хэргийн шийтгэлийг чангалахыг эрх баригчдаас шаардаж байна.

Ням гаригт эсэргүүцэгсэд ба цагдаа нарын мөргөлдөөний улмаас 140 хүн хэлмэгдсэний тал нь цагдаагийн ажилтнууд байлаа. Одоо Засгийн газрын байрнууд байдаг районуудыг бүслэн хаагаад байгаа юм.