Улс нь дампуурах ирмэгт хүрсэн Беларусь Хятадаас нэг тэрбум ам.долларын зээл авчээ. Белорусийн ерөнхийлөгч Александр Лукашенко мэдэгдсэнээр, энэ зээл нь Белорусийн хувьд ямар нэгэн үүрэг, амлалтгүй, ашигтай нөхцөлийнх гэнэ. Белорусь-Хятадын аж үйлдвэрийн хүрээлэн байгуулж буй нь Белорусийн дагнан хэрэгжүүлж буй төсөл гэж Лукашенко хэлэв. Энэ ажил дуусаны дараа хятад мэргэжилтнүүдийг татахаар Белорусь төлөвлөжээ.
"Интерфакс" агентлаг дамжуулснаар, энэ сарын 18-19-нд Москвад хийсэн хэлэлцээрийн үеэр Лукашенко Оросын талаас нийт хоёр тэрбум ам.долларын хөнгөлөлттэй хоёр зээлийг хүссэн байлаа. Тэдний нэгийг үндэсний төслүүд хэрэгжүүлэхэд нөгөөг нь Белорусь-Оросын хамтарсан үйлдвэрүүд барихад ашиглах болно гэж Лукашенко хэлжээ.