“Азийн супер модель” тэмцээний дэд байрын шагналт тэрбээр өнгөрсөн намар болсон хятад хэлний мэдлэг шалгах хамгийн том тэмцээн “China Bridge”-д оролцож тэргүүн байр эзэлж тэрхүү тэмцээнийг шүүсэн шүүгч нарыг ёстой нэг алмайруулсан гэдэг. Хятадууд бүх бичиг үсгээ бүгдийг мэдэж суралцаж амжилгүй бурханы оронд очдог гэдэг. Тэгвэл энэ хэцүү хэлийг ээрч муурахгүйгээр хэлний чадвараа гайхуулсан нь шүүгчид биширсэн гэсэн шүү. Загвар өмсөгч О.Уянга багаасаа хятад хэлийг сонирхон судлаж суралцсан бөгөөд өдгөө  БНХАУ-ын Күнзийн их сургуульд олон улсын улстөрч мэргэжлээр магистрын зэрэг хамгаалахаар суралцаж байгаа билээ. Тэгбээр зав зайгаараа саяхан болж өнгөрсөн “Гоёл-2013” наадамд оролцож эх орондоо саатаад явсан юм.