АНУ-ын
Ерөнхийлөгч Барак Обама саяхан “People” сэтгүүлд ярилцлага өгөхдөө
сүүлийн үед дэлхий даяар хит болоод байгаа өмнөд Солонгосын дуучин
PSY-ийн “Gangnam Style”-ийн бүжгийг охидтойгоо хамт бүжиглэсэн тухай
ярьжээ. Обама 14 настай Малиа болоод 11 настай Саша охиныхоо хамтаар уг
бичлэгийг хэд хэдэн удаа давтаж үзсэн ч уйдахааргүй хөгжилтэй клип
хэмээн ярьжээ.

Гэхдээ охидтойгоо хамт бүжиглэхдээ тэдэн шиг сайн
бүжиглэж чадаагүй ч  миний дуртай дуунуудын нэг болж чадсан хэмээн
тэрээр хошигносон байна. Түүнчлэн Обама цаг завтай үедээ гэр
бүлийнхэнтэйгээ ихэнх цагийг өнгөрөөхийг хүсдэг тухайгаа ярьсан гэнэ.

Түүний
эхнэр Мишээл Обама мөн “People”-д ярилцлага өгөхдөө “Бид охидтойгоо
олон зүйлийн талаар ярилцдаг. Бид нэгнээсээ ямар  ч зүйл нуудаггүй. Энэ
нь гэр бүлд хамгийн хэрэгтэй зүйлүүдийн нэг гэж үздэг” гэж ярьжээ.
Обамагийн том охин Малиа дөрвөн жилийн дараа коллежид элсэх гэнэ.