Арванхоёрдугаар сарын 21-нд майяачуудын он тоолол төгсөж, аюулт үзэгдэл болно гэсэн мэдээлэл дэлхий нийтэд тархаад буй. Тэгвэл АНУ-ын Калифорни мужийн Монтебелло хотынхон хоргодох байраа хэдийн бэлджээ. Монтебелло хотын иргэн Ран Хаббард байгалийн сөрөг үзэгдэл болсон тохиолдолд аврагдах ганц боломж нь газар доорх хоргодох байр гэж үзсэн гэнэ.

Тэрээр 16 метрийн урт, гурван метрийн диаметртэй газар доорх  төмрөн орогнох байр зохион бүтээжээ. Хаббард уг орогнох байрандаа зөөлөн буйдан, зурагт байрлуулсан бөгөөд хамгийн тансаг хоргодох байр хэмээн тодорхойлсон байна.  Түүнчлэн цөмийн реактор мэтийн хүний биед хортой химийн хорт бодист хамгийн тэсвэртэй хэмээн тайлбарласан байна.