БНХАУ-ын даргаар сонгогдоод байгаа ноён Ши Жинпин ирэх жилийн гуравдугаар сард ажлаа албан ёсоор хүлээн авмагцаа анхны гадаад айлчлалаа ОХУ-д хийнэ гэдгээ сая мэдэгджээ. Тэрбээр Оросын Нэгдсэн намын тэргүүнтэй уулзахдаа энэ талаар хэлсэн аж.

Хятад улсын даргын хувьд хийх анхны айлчлалаа Москвагаас эхлэх Ши Жинпин дарга уг айлчлалаараа хэд хэдэн оронд очих магадлал бас байгаа бололтой. Хэрэв тэгвэл Монгол Улсыг багтаах боломж байж ч болох юм.

Ирэх жилийн гуравдугаар сард Ши Жинпинд халаагаа өгөх БНХАУ-ын одоогийн дарга Ху Жинтао 2003 онд албаа аваад хийсэн анхны айлчлалынхаа хүрээнд Монгол Улсад төрийн айлчлал хийж байсан юм.