Иракийн Ерөнхийлөгч Жаляль Талабани эрүүл мэндийн байдал нь чилээрхсний улмаас өнгөрсөн даваа гаригийн орой Багдад хотын эмнэлэгт хүргэгдсэн байна. Албаныхны мэдээлж байгаагаар Жалялийн зүрхний үйл ажиллагаа нь  доголдсон нь түүний эмнэлэгт хүргэгдэх шалтгаан болжээ. Багдад хотын эмнэлэгийн эмч нарын мэдээлснээр одоогоор түүний биеийн байдал хэвийн байгаа гэнэ.

Гэсэн хэдий ч өдгөө 79 настай Ерөнхийлөгч цаашдаа эмч нарын хяналтад байх юм байна. Өчигдөр Иракийн Ерөнхийлөгчийн албаны төлөөлөгч Махмуд  Отмэйн  Ерөнхйилөгч Жалялийн биеийн байдал төдийлөн сайн биш байгаа талаар мэдээлж байжээ. Тэрээр энэ онд хэд хэдэн удаа эмнэлэгт хэвтэн эмчлүүлж байсан бөгөөд өнгөрсөн нэгдүгээр сард Германд нурууны хагалгаанд орж байсан аж.