Монголын оюутны холбоо, Замын цагдаагийн газар, ТҮК хамтран нийслэлийн эзэмшлийн зам, талбайн цас, мөс цэвэрлэхээр хамтран ажиллахаар болсон байна.

Энэ ажлын эхлэл өнөөдөр 20 гаруй их, дээд сургуулийн 200 гаруй оюутан Нарны гүүр, эргэн тойрондох цасыг цэвэрлэлээ.  Нийт 160 гаруй их, дээд сургууль байдаг бөгөөд МОХ-оос санаачлан ТҮК-ийнхний хүрч ажиллаж чаддаггүй, зам, талбайг цаашид цэвэрлэж байхаар болсон бөгөөд оюутнууд сайн дураар цэвэрлэгээний ажилд оролцож байгаа гэж МОХ-ынхон онцоллоо.

Хэдийгээр зам, нийтийн талбайг цэвэрлэх ТҮК байдаг ч тэр бүр хүрч ажиллах боломж нь муу байдаг. Тиймээс МОХ-оос цаашид нийслэлийн цас, мөс ихтэй олон газрыг цэвэрлэж, Замын цагдаагийн газар, ТҮК-тэй хамтран ажиллах болно гэлээ.