“Box office” өнгөрсөн долоо хоногийн орлогоороо тэргүүлсэн шилдэг кинонуудаа танилцуулжээ. Энэ удаа найруулагч Питер Жейксоны энэ сарын 14-нд нээлтээ хийсэн “Hobbit” кино 52.4 сая евро буюу 84.8 сая ам.долларын орлого олсноор энэ сарын дээд амжилтыг тогтоогоод байгаа юм байна. Харин хоёрдугаар байранд 4.6 сая евро буюу 7.4 сая ам.долларын орлогоор “Rise of the Guardians” бичигдсэн бол түүхэн кино “Lincoln” 4.4 сая евро буюу 7.2 сая ам.доллараар гуравдугаарт бичигджээ. Удаах байранд 7.0 сая ам.доллараар  “Skyfall”, 5.4 сая ам доллараар “Life of Pi” кино тус тус шалгарсан байна.

Өнгөрсөн долоо хоногийн Box office-ийг орлогоороо тэргүүлсэн шилдэг таван кино:

1. “The Hobbit”: 84.8 сая ам.доллар
2. “Rise of the Guardians”: 7.4 сая ам.доллар
3. “Lincoln”: 7.2 сая ам.доллар
4. “Skyfall”: 7.0 сая.ам.доллар
5. “Life of Pi”: 5.4 сая ам.доллар

Эх сурвалжуудын мэдээлснээр “Hobbit” нээлтээ хийснээс хойшхи эхний таван өдөр  олон улсад нийт 138 сая сая ам.долларын орлого олжээ.