Дуучин Келли Кларксон найман сарын турш үерхсэн найз залуу Брэндон Блайкстокоос гэрлэх санал хүлээн авчээ. Өдгөө 30 настай Келли Кларксонд найз залуу Брэндон Блайксток нь аварга том шар алмаазан шигтгээтэй бөгж барин сөхөрч, гэргийгээ болохыг гуйсан гэнэ. Хэдийгээр хосууд удаан үерхэж, “Хэзээ нэг өдөр гэрлэнэ” хэмээн ярилцдаг байсан ч найз залуугийнх нь гэнэтийн санал Келли Кларксонд жинхэнэ сюрприз болж чадсан аж. Энэ тухай тэрээр “Twitter”-тээ “Би сүй тавьчихлаа. Энэ миний хамгийн аз жаргалтай мөч байсан” хэмээн бичиж, сүйн бөгжнийхөө зургийг байршуулсан байна. Үүнээс ердөө сарын өмнө дуучин Келли Кларксон найз залуу “Бид бие биедээ чин сэтгэлээсээ хайртай. Тиймээс бид хэзээ нэгэн өдөр гэрлэнэ” гэж ярьж байжээ.

Дуучин Келли Кларксон 2002 онд “Америкийн шүтээн” телевизийн шоунд ялалт байгуулж, дуучны замналаа эхлүүлсэн юм. Түүний 2004 онд гаргасан “Breakaway” цомгийн  "Because of You" дуу нь хит болж, интернэтээс 1.5 сая удаа татагдаж байжээ.