“Girls Aloud” хамтлагийн дуучин Шерил Коул өнгөрсөн амралтын өдрөөр найз залуу Тре Холлоуэйгийн хамтаар BBC-ийн “Strictly Come Dancing” шоуг үзжээ. Дуучин Шерил Коул тус шоунд оролцож буй хамтлагийн анд Кимберли Уолшийг дэмжихээр хүрэлцэн ирсэн нь энэ аж. Мөн тэрээр Кимберли Уолшийг дэмжиж буйгаа өөрийн цахим хуудсандаа бичсэн байна. Шоуны дараа Шерил Коул найз залуу Тре Холлоуэйтэй романтик оройн зоог барихаар Лондонгийн “Sushi Samba” рестораныг зорьжээ. Харин дараа нь хосууд “Heron” цамхгийн 29 дугаар давхраас шөнийн Лондонг үзэж сонирхсон байна.

Дашрамд сонирхуулахад, “Girls Aloud” хамтлаг 2009 оноос уран бүтээлээ завсарлаад байсан ч өнгөрөгч аравдугаар сараас эргэн нэгдэж, уран бүтээлийн ажилдаа ороод буй юм.