Тансаг хэрэглээний татвар төлөхийг эсэргүүцэн Бельгид ирэн амьдрахаар болсон жүжигчин Жерар Депардье франц паспортаас мөн нийгмийн даатгалаасаа татгалзана гэв. Учир нь  Францын ерөнхий сайд Жан-Марк Эйро жүжигчний үйлдлийг эх оронч биш “бүдүүлэг” гэж нэрлэсэн юм. Хариуд нь жүжигчин түүнд өгсөн хариултаа Journal du Dimanche сонинд энэ сарын 16-нд нийтлүүлжээ.

"Улс орноо орхин гарсан хүмүүсээс над шиг доромжлуулсан хүн байхгүй байна” гэж Депардье нээлттэй захидалдаа бичсэнээс  Agence France-Presse иш татсан байв. Тэр татвар дандаа төлж байсан гэхдээ Францын нийгмийн халамжийг хэзээ ч авч байгаагүй. Намайг та шүүх ёстой юм уу гэж жүжигчин ерөнхий сайдаас асуужээ.

Эцэст нь тэр франц паспортаас татгалзсан байлаа. “Бидэнд нийтлэг улс орон одоо байхгүй. Би  европ хүн, дэлхийн иргэн. Тэгж л намайг эцэг минь сургаж байлаа” гэж Депардье бичжээ. Тэрээр Бельгид байрг худалдан авсан, тэндхийн иргэн болох асуудлыг сонирхож байгаа гэсэн яриа энэ сарын эхээр гарсан байв. Тэрээр Парис дахь  түүхэн шилтгээнээ худалдаж байгаа тухай мэдээ сая гарсан байв. Шилтгээнээс гадна тэр Францад гурван ресторанттай бөгөөд дарсны бизнестэй ажээ. Жүжигчнээс гадна Францын хамгийн баян хүн гэгдэх Бернер Арно зэрэг олон баячууд Францаас Бельги зэрэг орнуудад гарч амьдахаар болжээ.  Бельгийн хилийн жижиг хотод нийтдээ 2000 орчим франц иргэд шилжин ирээд амьдарч байна. Ирэх жилээс эхлэн саятнууд орлогынхоо 75 хувьтай тэнцэх татвар төлж эхлэх юм. Депардьегийн орлого нь хоёр сая евроноос давдаг.