Сүүлийн хэдэн саруудад олон улсын зах зээл дээр унаад байсан нүүрсний ханш цаашдаа өсөх хандлагатай байгааг шинжээчид онцолжээ. Тодруулбал, нэг тонн угаасан нүүрс 850 юань, харин түүхий нүүрсний үнэ 650 юань болж өссөн нь өмнөх сарын дундажтай харьцуулахад 30-50 юаниар нэмэгдсэн байгаа юм. Өмнөх гурван сард нүүрсний эрэлт буурснаар уурхайнуудад уг бүтээгдэхүүн хуримтлагдаад байсан юм. Манай улсын хувьд ирэх онд нүүрснээс эдийн засагт оруулах нэмэр нь 11 хувь байхаар төсөөлсөн.