УИХ дахь намын бүлгүүд өнөөдөр хуралдана. Тухайлбал, Ардчилсан намын бүлгийн хуралдаан 10.00 цагт эхэлж, Монгол Улсын Ерөнхийлөгчийн сонгуулийн тухай хуулийн шинэчилсэн найруулга, Монгол Улсын Ерөнхийлөгчийн сонгуулийн тухай хууль хүчингүй болсонд тооцох тухай, Монгол Улсын Их Хурлын чуулганы хуралдааны дэгийн тухай хуульд өөрчлөлт оруулах тухай, Төрийн аудитын тухай хуульд нэмэлт, өөрчлөлт оруулах тухай, Сонгуулийн автоматжуулсан системийн тухай хуулийн төслийг хэлэлцэхээр төлөвлөжээ.

УИХ дахь МАХН-МҮАН-ын “Шударга ёс” эвслийн хурал мөн 10.00 цагт эхлэх бөгөөд хуралдаанаар МАХН Засгийн газраас гарах асуудлыг хэлэлцэх бололтой. Мөн өнөөдөр 10.00 цагт УИХ-д Монгол Ардын намаас сонгогдсон гишүүдийн хуралдаан болох юм.