Жүжигчин Том Круз болон “Paramount Pictures” нарын зүгээс удахгүй нээлтээ хийхээр төлөвлөж байсан “Jack Reacher” киноныхоо нээлтийг хойшлуулахаар болсон тухай өчигдөр мэдээллээ. Жүжигчин Том Круз өнгөрсөн баасан гаригт Коннектикут мужийн Ньютаун хотын бага сургуульд аймшигт халдлага гарч бага насны 20 сурагч, найман хүн амь үрэгдсэн хэргийн хохирогчид, тэдний ар гэрийнхэнд хүндэтгэл үзүүлэх үүднээс шинэ киноныхоо нээлтийг хойшлууллаа хэмээн мэдэгджээ. Мөн тэрээр хэрцгий халдлагын улмаас олон тооны бага насны хүүхдүүд хохирсонд харамсч буйгаа илэрхийлэн хохирогчдын ар гэрийнхэнд эмгэнэл илэрхийлсэн байна. “Paramount Pictures”-ийн бүтээл “Jack Reacher” кино нь гэмт хэргийн ертөнцийн тухай өгүүлэх адал явдалт жанрын кино бөгөөд ирэх 21-ны өдөр нээлтээ хийх тов зарлаад байсан юм.