Хөгжмийн ертөнцийн шилдгүүдийн нэг Британийн алдарт “Spice Girls” хамтлаг өнгөрсөн мягмар гаригт "Viva Forever" дууныхаа нэрээр нэрлэсэн мюзиклээ Лондон хотын “The Piccadilly” театрт албан ёсоор нээсэн билээ. Хамтлагийн фенүүдийн дунд удтал хүлээлт үүсгээд байсан энэ мюзикл харин үзэгчдээс тааруу үнэлгээ авч, шүүмжлэлийн бай болж эхэлжээ.

"Viva Forever" 1990-ээд онд хөгжим сонсогчдыг байлдан дагуулж, “Spice Girls”-ын охидод нэр хүнд авчирсан хит бүтээл юм. Харин сүүлийн хэдэн жилийн турш уран бүтээлээсээ хөндийрөөд байсан тэдний энэ мюзкил фенүүдийнх нь сэтгэлд хүрээгүй бололтой.