“Камертон” хамтлагийн залгамж залуу халааг бэлтгэхээр “Боловсрол” суваг телевиз, “Камертон” хамтлагтай хамтран хэрэгжүүлж буй “Камертон 2” төслийн тавдугаар шат өнөөдөр эхлэх гэж байна. Нийт 700 гаруй оролцогч өрсөлдсөн тус төслийн эцсийн шатанд шилдэг 16 залуу шалгаран үлдээд байгаа билээ. Өнөөдөр “Боловсрол” суваг телевизээр 21.00 цагаас эхлэн сүүлийн шатанд тунан үлдсэн залуусын бэлтгэл, шоуны талаарх сонирхолтой нэвтрүүлгүүдийг цувралаар хүргэх аж. Тэд дөрөв, дөрвөөрөө хуваагдан хамтлаг болж хоорондоо видео клип хийн өрсөлдөж байгаа гэнэ. Тэгэхээр шилдэг 16-гаас төрөн гарсан дөрвөн хамтлаг хэрхэн дуулахыг тун удахгүй хүлээн авч үзэх нь ээ.