“Victoria’s Secret”-ийн сахиусан тэнгэр Миранда Керр өнгөрсөн арваннэгдүгэр сард дэлхийн 100 гаруй оронд 2200 дэлгүүртэй “Mango” брэндийн шинэ нүүр царайгаар сонгогдсон билээ. Өдгөө 29 настай Миранда тус компанитай хийсэн гэрээний дагуу сурталчилгааныхаа зураг авалтыг Мадридид өчигдөр эхэлсэн байна.

 Мирандагаас өмнө тус брэндийн нүүр царайгаар алдартай загвар өмсөгчид болох Наоми Кэмпбэл, Кейт Мосс, Скарлет Иоханссон, Пенелопа Круз нар ажиллаж байжээ. Миранда “Mango”-ийн 2013 оны хавар, зуны коллекцийг сурталчлах аж. Олон улсад алдартай брэндтэй хамтран ажиллахад сэтгэл хангалуун байгаагаа мэдэгдсэн Миранда “Загварын хүрээндээ  ажил ихтэй байгаа ч Зул сарын баярыг нөхөр Орландо болон  бяцхан хүүтэйгээ тэмдэглэнэ” хэмээн “Us Weekly”-д ярилцлага өгчээ.