Орон нутгийн сонгууль гэх том дажин ард хоцорсон ч, шинээр бүрдсэн сум, дүүргийн ИТХ-ын хувьд Төсвийн шинэ хуульд захирагдан төсвөө батлах томоохон ажилд ханцуй шамлан оржээ. УИХ-аас шинэчлэн баталсан Төсвийн хуулиар Монгол Улсын нэгдсэн төсвийг УИХ жил бүрийн арваннэгдүгээр сарын 15-ны дотор багтаан батлах үүрэг хүлээсэн бол аймаг, нийслэлийн төсвийг тухайн шатны ИТХ нь жил бүрийн арванхоёрдугаар сарын 5-нд багтаан батлах ёстой болсон юм. Энэ дагуу Нийслэлийн ИТХ өнгөрсөн сарын 29-нд хуралдаж Улаанбаатар хотын төсвийг баталсан бол аймгууд цувж увсаар ямарч байсан хуульд заасан хугацаанаас урьтаж төсвөө баталж амжжээ.

Тэгвэл одоо сум, дүүргийн Засаг дарга нар арванхоёрдугаар сарын 20-ноос урьтаж төсвөө батлуулах үүрэг хүлээгээд байна. Төсвийг дүүргийн ИТХ нь батлах ёстой. Гэвч Налайх зэрэг дүүрэгт ИТХ-ын төлөөлөгчид нь хоёр хуваагдан, хэнийг Засаг дарга болгохоо эцэслэн шийдээгүй байгаа нь нэг талдаа бэрхшээл дагуулж болзошгүй аж.  Хэрвээ Налайх дүүргийн ИТХ нь дээр заасан хугацаанд дүүргийнхээ төсвийг баталж чадахгүй бол ирэх жилийн ажил зогсонги байдалд орно. Тиймээс ямар ч байсан арванхоёрдугаар сарын 20-ноос урьтаж ИТХ-ын төлөөлөгчид нь эв зүйгээ олцгоож, эрх биш дүүргийн төсвийг батлах байлгүй гэсэн найдлагыг зарим нэг төлөөлөгчид нь дайж сууна.