Монголбанкнаас Уул уурхайн яамтай хамтарч шатахууны үнийг тогтвортой байлгахын тулд “SIFS” дэд хөтөлбөр хэрэгжүүлж, шатахуун импортлогч компаниудад хөнгөлөлттэй зээл олгож байгаа. Энэ хүрээнд 12 дугаар сарын 10-нд “Хаан” банкаар дамжуулж “Сод монгол” ХХК-д нэг жилийн хугацаатайгаар 3.8 хувийн хүүтэй 5.5 тэрбум төгрөгийн санхүүжилт олгосон байна. 

Түүнчлэн  “Сод монгол” ХХК-д нийт 5.5 тэрбум төгрөгтэй тэнцэх ам.долларыг  хоёр сарын дараа худалдах форвард хэлцлийг хамгийн бага зардлаар гүйцэтгэж, ханшийн эрсдлийг нь бууруулж байгаа аж. Дэд хөтөлбөрт оролцож, санхүүжилтээ шийдэхээр  шатахуун импортлогч таван компани нийт 82.2 тэрбум төгрөгийн зээлийг аваад байгаа тухай Монголбанкнаас мэдээлж байна.

 “SIFS”дэд хөтөлбөрийг 10 дугаар сарын 26-наас хэрэгжүүлж эхэлсэн бөгөөд энэ хугацаанд дараах компаниуд хөнгөлөлттэй зээлийг авсан юм.

Зээлийн шугам	Оролцогч банк	Хэрэгжүүлэгч банк	Санхүүжилт (тэрбум төгрөг)	Санхүүжилт шилжүүлсэн огноо	Форвард хэлцлийн хугацаа
1 дэх	Хадгаламж	Жаст Ойл ХХК	7.1	2012.11.27	2 сарын дараа
2 дахь	Капитал	Монпетекс ХХК	8.5	2012.11.27	2 сарын дараа
3 дахь	Голомт	Содмонгол ХХК	11.1	2012.12.03	2, 4, 6 сарын дараа
4 дэх	Голомт	Магнай трейд ХХК	14.6	2012.12.04	2 сарын дараа
5 дахь	ХХБ	Шунхлай ХХК	21.4	2012.12.06	2 сарын дараа
6 дахь	ХХБ	Магнай трейд ХХК	13.9	2012.12.07	2 сарын дараа
7 дахь	Хаан	Содмонгол	5.5	2012.12.10	2 сарын дараа
			82.2