Монголын Үндэсний Олимпийн Хорооны чуулган арванхоёрдугаар сарын 19-ний өдөр Улаанбаатар хотноо болно. МҮОХ-ны дүрмийн 8-ын 2-т заасны дагуу Олимпийн Чуулганы товыг 2012 оны есдүгээр сарын 14-ний гишүүдийн хурлаар шийдвэрлэж, зарласан билээ. Монголын Олимпийн Чуулганаар МҮОХ-ны Ерөнхийлөгч, гүйцэтгэх зөвлөлийн гишүүд болон хянан шалгах зөвлөлийг сонгоно. МҮОХ-ны Ерөнхийлөгчийн сонгуульд одоогийн Ерөнхийлөгч Д.Загдсүрэн, Тэргүүн дэд Ерөнхийлөгч Д.Баясгалан, Жүдо бөхийн Холбооны Тэргүүн дэд Ерөнхийлөгч Д.Дорлигжав нар албан ёсоор нэрээ дэвшүүлээд байна.