Дэлхийд алдартай “Хилтон” зочид буудлын өв залгамжлагч Парис Хилтон өөрөөс нь арван насаар дүү, загвар өмсөгч найз залуу Ривер Вийпритэй өнгөрсөн даваа гаригт Майамигийн далайн эрэгт амарчээ. Өдгөө 31 настай дуулиан шуугианы эзэн гэгддэг Парис, Ривер нар өдрийн хоол идэж байгаад папараццид өртсөн байна.

Өвөрмөц донж маягтай хувцаслаж, олны анхаарлын төвд байдаг Парис энэ удаа хар өнгийн нарны шил, содон өнгөтэй усны хувцсаар гангарсан бол түүний найз залуу Ривер мөн хар нүдний шил зүүж, чөлөөт хэв маягаар  хувцаслажээ. Хосууд  Майамид өнгөрсөн даваа гаригт эхэлсэн “Art Basel” урлагийн арга хэмжээнд оролцохоор ирээд байгаа нь энэ аж.