Хурдтай хөгжиж буй өнөөгийн нийгэмтэй хөл нийлүүлэн алхахад мэдээллийн технологийн шийдэл амин чухал үүрэг гүйцэтгэсээр ирсэн билээ. Үүний хажуугаар мэдээллийн технологийн хөгжил болон чиг хандлага өөрөө маш хурдтай өөрчлөгдөж байна. Одоо үед компьютерийн ард сууж ажилаа амжуулдаг байсан үе ард өнгөрч бүх ажилаа байршил хамаарахгүйгээр гар утас болон хөдөлгөөнт төхөөрөмжнөөс амжуулдаг мөн мэдээллийн хэрэгцээгээ хангадаг болж байгаа нь ирээдүйн чиг хандлагыг тодорхойлж байгаа юм.

Энэхүү шинэлэг бөгөөд хурдтай өөрчлөлтийг манай их сургууль болон хувийн хэвшлийнхэн харж  Монголд анх удаа оюутан залуусын дунд ухаалаг гар утасны шилдэг бүтээл шалгаруулах олимпиадыг амжилттай зохион байгууллаа. Уг олимпиадыг КТМС болон ухаалаг гар утасны программын шийдэлээр тэргүүлэгч СЛАЙД ХХК  нар хамтран зохион байгуулсан ба ивээн тэтгэгчээр  САНТ Сургууль  болон Монгол Контент компани оролцожээ. Нийт 30 гаруй бүтээлээс шилдэг бүтээлийн эзэдээр КТМС – ын оюутан Тулга, Наранхүү болон Наранзаяа нар "Аялалын бүртгэл" бүтээлээрээ шалгарчээ.

Цаашид энэхүү шилдэг бүтээл шалгаруулах олимпиад жил болгон зохион байгуулагдах ба оюуны хөдөлмөрт тулгуурласан хөгжлийн ирээдүйд үнэтэй хувь  нэмэр болно гэдэг зохион байгуулагчид итгэлтэй байгаа юм.