Сонгинохайрхан дүүргийн XVIII хороонд хойд эцэг нь долоон настай хүүгээ сэхээнд ортол зодсон хэрэг энэ сарын 5-нд гарсан. Хүүг зодож байх үед доод талын давхарт амьдардаг Н.Болортуяа гэр рүү нь орж, цагдаа болон эмнэлгийн байгууллагын ажилтнуудыг дуудаж амийг нь аварсан юм. Н.Болортуяаг өнөөдөр Нийслэлийн цагдаагийн газраас иргэний үүргээ нэр төртэй биелүүлж, хүүгийн амийг аварсанд талархаж талархлын бичиг, үнэ бүхий зүйлээр шагнасан байна.

Хүү одоогоор ГССҮТ-д хэвтэн эмчлүүлж байгаа бөгөөд биеийн байдал нь сайжирч байгаа юм. Харин хүүгийн хойд эцэг н.Төртогтоход Сонгинохайрхан дүүргийн цагдаагийн хэлтэст эрүүгийн хэрэг үүсгэн, сэжигтнээр татаад байгаа юм.